كروب توب وصوف اصفر

           

السلام عليكم 

اول تدوينات كآف اخترناها عن تنسيق اطلالات مختلفة

الفكرة كانت اختيار قطعتين بس وننسق منها اكثر من اطلالة مع الالتزام بقطع محددة عندنا

 لكن الاطلالات مختلفة

الغالبية مننا عنده قطع كثير لكن ممكن مايشوفها الا بفكرة وبآسلوب واحد 

شي بسيط ممكن نضيفة يغير لنا كثير

القطعتين اللي اخترناها كانت كروب توب عنابي وسويتر صوف اصفر 

تفاصيل الكروب توب 

والكروب توب هو التوب القصير للخصر او اقصر وهو دارج السنة سوا صيف او شتا 

تفاصيل سترة الصوف

هالنوع من القطع من وقت طويل وهو دارج وقطعة اساسية شتوية

تفاصيل التنسيق الاول كاجول بسيط ممكن نستبدل البوت بكعب عالي كحلي او اسود لاطلالة انيقة ومسائية اكثر

التنسيق الثاني لسترة الصوف نقدر نستغني عن الفرو اللي هو من اهم قطع الشتا بالمواسم الاخيرة

ونستفيد من هالطلة بالجامعة او الدوام ونستبدل البنطلون بالتنورة السودا

تنسيق الكروب توب ملائم اكثر لطلعة بسيطة وجمعات صحبات

ونقدر نستبدل البوت او الشنطة بآي شي حسب اسلوبنا وحسب الطلعة والناس اللي رايحة لهم 

التنسق الثاني بس استبدلنا الكعب العالي وكلوتش والعقد بتصميم ملفت 

صار الاسلوب ملائم اكثر لعزيمة عشا او سهرة مسائية

القطع والتنسيقات اخترناها بسيطة وعملية ومرتبه

تفاصيل كل اطلالة ومن وين موجودة بالصورة واسعارها متناول اليد وهذا هدفنا 

الاناقة بالمختصر هي البساطة

والاهم في اسلوب اللبس هو الراحة ويكون يعكس شخصيتك 

اعجبتكم التنسيقات او لا ؟؟

 نستفيد منكم بآراءكم ......